Twins與吳君如等日前為芝See菇BiFamily合唱的新歌《我夠神化》拍MV，Twins扮完清純學生妹，又扮拳手及西部女郎與苦榮及小苦妹對打，不過二人看見扮毛公仔的兩位小妹妹邊行邊跌，都不忍心出拳。
女子組合Twins最近與吳君如、林海峰及谷德昭一同演出商台廣播劇芝See菇BiFamily，眾人還合唱一曲《我夠神化》，並將於下月推出第二張原聲大碟。
太可愛打唔落手
Twins等日前拍攝《我夠神化》MV及唱片封套，在課室及擂台取景，由早拍到晚。MV內容講述沉靜的班房突然變成決戰大擂台，於是Twins等都換上特別造型，成員蔡卓妍（阿Sa）與鍾欣桐（阿嬌）本來都穿上校服扮清純學生妹，但阿Sa搖身一變成為可愛女拳手，與苦榮對打，不過她看見得意的苦榮公仔，還是忍不住要擁抱一下。
阿嬌則變身有型的西部女郎，要作狀與小苦妹對打，但未出手阿嬌已謂不忍心打下去。而苦榮與小苦妹兩個公仔，都因看不到路不時失去重心跌低，情況十分狼狽。
事後阿Sa說：「導演要我哋扮學生，喺班房度好悶同打瞌睡，因為一大清早拍攝，我哋都好眼瞓，所以都唔使扮，真係釣晒魚打晒瞌睡，好逼真。」阿嬌則說：「我哋唔辛苦，最辛苦係扮苦榮同小苦妹嗰兩個小妹妹，佢哋全程着件公仔衫，密不透風，重乜都睇唔到，又行又走重要打拳，好彩件公仔衫厚，跌親都冇事，不過真係唔易做。」
惹火君如好得戚
至於谷德昭飾演魔鬼教練，林海峰扮演公正無私拳證，不過最搶鏡都是吳君如，她起初是一位嚴肅古板女教師，但一眨眼卻又扮成穿着火紅色低胸裙的惹火女郎，風騷非常，阿Sa和阿嬌更猶如小影迷要求與君如合照，讓君如十分得戚。
