如果你覺得八十多萬的奧迪A6最頂級的4.2Quattro內櫳豪華舒適，而對代理最新引入這部A63.2FSIMultitronic新版不予太大期望的話，那便大錯特錯了！論性能，3.2FSIMultitronic版換上全新3.2公升V6FSI引擎，行車表現勝過車系中主打的2.4Multitronic型號，但最令人驚喜的是，廠方將4.2Quattro的豪華內櫳全數搬進3.2版內，車價更調至同級最低，如此賣點要親身乘坐才可徹底感受。
記者、攝影：陳偉林
ImageGirl：Mandy
筆者最鍾情MMI旋鈕
普遍香港人用車性能只係其次，最着重就是車廂配套同包裝，而這部新版的A63.2FSIMultitronic，不僅有齊前後兩排剪裁貼身舒服的高級皮椅，而前排左右更輔有獨立全方位電控及二段式記憶裝置，無論駕駛者抑或乘客都一樣舒適。
相信你同我都一樣，最欣賞都係這個MMI多媒體系統，鑲在桃木面板裝飾表板上的標準化旋鈕，除了可以一掣操控車內設備，另有頂置屏幕顯示，有齊左右獨立恒溫冷氣調校，又有Bose多碟式高級CD音響操控，享受可謂至全面。
後排獨立送風加遮陽簾
轉檔比舊波箱利落
睇過部車之後，好有一種試車的衝動，於是將車駛向西九龍方向，筆者途中發覺新車的動力輸出不僅源源不絕，低、中轉扭力表現柔韌有力，嘗試猛然踩油加速，感覺較原有A62.4Multitronic有過之而無不及。原來經過重新調校過的3.2公升V6引擎，扭力峯值在3,250rpm時候提早達到，至啱香港實際的路面情況。再者，一套7前速Multitronic半自動波箱，雖然每每起動時間有點遲滯，但就勝在轉檔反應順滑，感覺仍然利落，比較起舊有採用的Tiptronic半自動波箱，絕不遜色！
中控台全新設計
鬼面罩異常咁大
對比起奧迪舊版A6車系，筆者比較喜歡新A6的包裝，尤其係一副異於正常尺碼的特大鬼面罩設計，烘托得部車別具個性。其次，加入先進Bi-Xenon大燈設計，獨立圓燈組合給人感覺神氣十足，重凝聚有一份時尚感，還有換裝上弧形立體多盞式的LED尾燈編排，清晰度十足外，更能帶出車尾一直以來的平實輪廓。
大夾角汽缸夠雄渾
奧迪A6全新3.2公升V6FSI引擎，為大夾角汽缸新設計，並非取材自早前同廠TTCoupe的一台相若容積引擎型號，每段演繹更平均有力，經廠方細意調校過後，引擎中、高轉反應更會來得像似一部轎跑車，聲量變得更雄渾。
AudiA63.2FSIMultitronicSpecifications
引擎： 3123ccV6DOHC
馬力： 255ps/6500rpm
扭力： 33.7kgm/3250rpm
傳動： 7前速Multitronic半自動波，前輪驅動
懸掛： （前）四連桿（後）多連桿
制動： （前）透氣碟（後）碟式（ABS）
輪胎： 245/40ZR18MichelinPilotSport
尺碼： 4916×1855×1459mm
軸距： 2843mm；車重：1570kg
0-100公里：7.0秒；極速：250km/h
平均耗油：9.7-9.8L/100km
車輛提供：合迪汽車（21538181）
新車售價：$599,000
其他同級轎跑
寶馬530iA
點睇：最熱賣的高性能轎跑車，3.0公升直6引擎（馬力231匹）令起跑加速反應敏捷，馬力較細，但擁有出眾的轉向操控感。
車價：$679,000
平治E350Elegance
點睇：品牌效應加上賣相時款，一直擁有不俗銷量，同級中最強勁的3.5公升V6引擎（馬力272匹）作賣點。
車價：$658,000
