電影《千杯不醉》前晚在尖沙嘴舉行慶功宴，該片上映一周有六百萬元的票房，吳彥祖、官恩娜、方中信和導演爾冬陞等都有出席，女主角楊千嬅則因不在港而缺席。
不拍續集
問爾冬陞可有打算開拍續集，他說：「唔會喇，香港係咁㗎喇，成日拍續集個市會死，亦唔可以成日拍死一種戲。」楊千嬅和吳彥祖在戲中本有一場纏綿的床上戲，但最後導演刪掉，只保留了接吻戲，爾冬陞說：「因為覺得場戲好似好渲染，冇必要放喺戲入面。或者遲啲會公開條片畀大家欣賞，等大家知千嬅當時有幾激。」
此外，吳彥祖對於有報道指他在台灣玩遊戲時放縱攬女，他前晚否認此事說：「去台灣玩呢啲節目冇得唔玩，不過我都係第一次玩呢啲儍儍哋嘅節目。」至於官恩娜亦否認自己以三千元低價接騷的傳聞。
採訪：張俊銘 攝影：何榮亮