今年底香港肯定好熱鬧，因為世貿第六次部長級會議會喺本港舉行，八方日前打聽究竟邊個領導會嚟，睇吓有冇機會一睹副總理吳儀嘅風采。
知情人就話，相信冇乜機會喇，因為吳儀太高級，今次話明係部長級會議，而且香港做東道主，如果宗主國出個太猛料嘅人嚟，會有啲奇怪，所以大家都估，會係大陸明日之星，商務部部長薄熙來（圖）率團嚟參加就算，因為已經畀足面同夠晒高級。
咁又係，薄熙來屬太子黨，佢老竇薄一波係當年嘅八老之一，同老鄧有偈傾，薄公子雖然出身咁好，但係聽講冇乜公子哥兒氣，佢由地方調回中央，肯定係十分器重。薄部長見過世面，又高大威猛，分分鐘係總理級人馬嘅接班人，佢咁重量級，大家千祈好唔走眼，到時睇吓佢真人如何，有冇言過其實。
爆料熱線：29290000、27860099
報料傳真：26239278
報料電郵：[email protected]