繼公布漂亮業績後，交通銀行宣布新董事成員，代表第二大股東滙豐坐入交行董事會嘅人選，就係滙豐銀行執行董事王冬勝（圖），由佢接替調職恒生銀行任副董事長兼行政總裁嘅柯清輝之空缺。Peter王加盟滙豐後，主管中港地區業務，由佢擔任滙豐佔兩成權益嘅交行非執董，最啱不過，佢老哥更會出任交行董事會審計委員會成員。滙豐喺交行董事局嘅另一席位，由身兼滙控非執董嘅利豐集團董事總經理馮國綸出任。
交行亦同時宣布，委任彭純為執行董事，呢位喺人行總行金融研究所獲得碩士學位嘅交行副行長，本周一先同董事長蔣超良、行長張建國及副行長葉迪奇等，齊齊在港亮相主持業績發布會，非常新鮮。
傳真︰2623-9278
電郵︰[email protected]