新華網噚日刊登咗一篇評論消費嘅文章，題為「奢侈消費之風愈演愈烈，奢侈不是值得炫耀的時尚」，內文引述家財萬貫嘅世界首富比爾蓋茨，話佢公幹從不坐頭等，衣着唔用名牌，亦冇私人司機。跟住又以金利來集團主席曾憲梓（圖）做例子，話佢四十幾年從來冇去過歌舞廳、夜總會，一餐飯不過花十蚊。
嘩，原來曾常委慳家成咁，真係拍得住今年病逝嘅前麗新主席林百欣，一個魚柳包就搞掂一餐。唔明點解香港啲富豪硬係咁節儉，食好啲，貢獻吓個消費市道，對香港經濟都有利嘛。若然全中國人民都學似啲模範富豪咁，去到迪士尼樂園都唔知食乜好。或者，佢哋根本唔會去迪士尼。
傳真︰2623-9278
電郵︰[email protected]