徐小鳳日前接受商台節目錄音訪問，喺節目裏面小鳳姐大談自己嘅感情觀，佢話因為自己唔夠膽望一個男人超過三秒，所以一直唔覺得有異性追求自己，佢話：「呢啲嘢無謂玩火啦，火會燒親人㗎。如果有人追我，我會一盆冷水潑埋去。當我鍾意一個人時，我就會怕失去，反而佢做咗我歌迷，咁大家就可以永遠擁有對方。」