地產商賣樓，宣傳招數愈嚟愈聲勢浩大。好似恒基與煤氣嘅土瓜灣翔龍灣，今晚先搞晚會，為樓盤打響頭炮。發展商請嚟○四年環球小姐JenniferHawkins做形象大使，為樓盤拍廣告。今晚首播製作花絮，又為樓盤嘅徽號揭幕。
聽聞，恒基今次動用七位數字，邀請環姐宣傳，認真落本。今次破天荒搵國際級人物宣傳樓盤，唔知係咪寓意個樓盤邁向國際化？
除咗環姐，今晚又會舉行泳衣及時裝表演，請嚟本地名模李嘉慧、陳嘉容與Ana.R。
過往唔少發展商搞同類型大型宣傳活動，盈大薄扶林貝沙灣係表表者，但搵環姐拍廣告，翔龍灣係第一次。
電郵地址：[email protected]