無綫女藝員殷櫻初出道時臉形方方正正，但現在已變得下巴尖尖，十分標致，原來這一切歸功於她在兩年前花掉二萬多元箍牙，她忍受一年痛苦及不便，才成為一個完成版的箍牙美女。
日前殷櫻在中環接受訪問，問她會否擔心容貌有變被誤為整容？她聞言即笑說：「以前都有人講過嘅，其實我係箍牙後塊臉瘦咗，我嚿腮骨重喺度，人哋磨嚿腮骨要成十幾萬，邊有錢呀！」
貪靚嘗盡苦頭
回想年前為貪靚箍牙，殷櫻嘗過不少苦頭，她苦笑說：「我前面啲牙有啲歪，諗住整番整齊啲，上鏡會好睇啲，但箍牙之後就好慘啦，好難食到嘢，變到阿婆咁，只係食吓雪糕，食物要浸軟晒至咬到，所以嗰時瘦到得番九十磅，連塊臉都瘦咗，加上又有做吓運動，舉吓重，個人望落至會比以前瘦。」
殷櫻（Reyan）
年齡：24
身高：五呎四吋半
體重：96磅
三圍：32、23、33.5
入行經過：九九年投考無綫藝員訓練班，○○年畢業後簽約成為合約藝員
演出經驗：《酒是故鄉醇》、《衛斯理》、《金枝慾孽》、《窈窕熟女》、《YummyYummy》、《女人唔易做》（拍攝中）等。
採訪：朱倬誼 攝影：何國豪 場地：EdenCoffee＠Central
泳衣：Sensi（藍花泳衣）、Quiksilver（牛仔裙）
