呢輪啲政經界朋友聚頭，其中一個熱門話題非詩姐姐莫屬，政界普遍相信，梁愛詩十月走硬，但中央對接班人選肯定未定。
至於詩姐姐點解走，版本越傳越多，最新版本係話佢任內表現冇乜突出之處，中央都唔係太滿意，所以放手畀佢走，算係咁多個傳聞中，較為創新嘅一個，因為由始至今，八方只有聽到京官大讚詩姐姐，連香港班大狀都改變初衷，話寧願佢阿姐留任。
當然梁愛詩係一個好有自知之明嘅人，佢知啲45條關注組嘅大狀讚佢，只係因為冇得揀啫。不過，佢阿姐𠵱家既然叠埋心水要退，就唔再理外間閒言閒語，反正老董一走，佢再冇欠人人情，政改又差唔多完工，係時候放手不理啦！
所以話第五號報告出之日，會係佢退之期，又幾合理。
傳真︰2623-9278
電郵︰[email protected]