林嘉欣（右）同星皓公司老闆王海峰分手後，佢火速同音樂人陳光榮（左）拍拖，點知拍拖唔夠一年就傳出分手消息，陳光榮俾記者問到佢同林嘉欣係咪散咗嘅時候，佢話唔想講，叫記者問番嘉欣，但噚日有記者去到深圳想搵嘉欣求證，佢就唔肯回應呢件事。有報道話嘉欣上個禮拜五生日都冇同男友一齊過，只係喺深圳開工，而陳光榮亦都搬番去堅尼地道住，冇再住喺嘉欣屋企。