衞生福利及食物局局長周一嶽噚日急急上京求助，梗係啦，如果啲海產真係食出人命，煲呔點揹得起？
北京亦好識做，即時搵個國家質檢總局局長李長江出嚟同佢會面，重話大家討論過兩地通報機制，認為機制有效喎，又話雙方已就監察淡水魚及鮮魚嘅方法，達成統一標準。
唉，無論京官講乜，香港人都心中有數啦，大家做套戲畀香港人睇都要。周一嶽上京，佢位新聞秘書蘇鑑洪（圖）梗係要陪伴左右，蘇兄曾經長駐北京多年，佢簡直好似返老家一樣熟路。
講開班新聞主任，特別係新聞秘書，佢哋成日跟出跟入，真係辛苦。八方聽聞，跟李一哥同警隊嗰位吳老兄（Nelson）最近突然染上惡疾，𠵱家正接受治療，吳兄一向同傳媒友好合作，幫得就幫，八方同啲行家祝佢早日康復。
傳真︰2623-9278
電郵︰[email protected]