「全憑上司的支持，才能無往不利」，呢句說話係喺今期公務員通訊專訪職業訓練局主席楊啟彥內文中引述嘅，佢話想當年喺官場中扶搖直上，成功之道就係上司支持，重話呢個秘訣對現今力爭上游嘅公務員都相當適用。
八方從中聯想到兩樣嘢。首先，全港十幾萬公務員今後最好聽聽話話，惟上司之命是從，否則上司支持你唔住，就咪使旨意有得升；其次，此乃仕途浮沉嘅楊啟彥有感而發，佢任職九鐵主席兼行政總裁七年間，自己話晒事，直至政府委任田北辰入局做主席，楊啟彥得唔到老細嘅支持，幾年間就鬱鬱告別九鐵，𠵱家剩番職訓局主席呢個公職，想話唔化都唔得。
傳真︰2623-9278
電郵︰[email protected]