【本報訊】豬瘟未了，又來毒魚，市民對政府表現頗有微言。中央政策組首席顧問劉兆佳則認為，香港人對政治領袖要求「近乎苛刻」，要求政治人物表現須「近乎完美」，特首出現任何差錯都會即時引發攻擊。言論引發市民炮轟，有聽眾直斥劉兆佳混帳。
劉兆佳接受商業電台節目《在晴朗的一天出發》訪問時說，在處理豬鏈球菌事件上，政府反應已相當快，但有些傳媒要求更快，沒有全盤考慮香港與內地政府之間的機制及長遠利益。
訪問播出不久，即有聽眾致電節目反斥劉兆佳。鄧先生說：「我覺得好混帳！領導人係咪一定要為人民利益呀？衣食住行，我連食都冇得好食，你話我哋要求領導人苛刻，冇喘息機會畀佢，𠵱家真係有事發生，我哋要求做好啲啫，唔係無端白事鬧佢噃。」
市民阿貴也有感而發：「佳叔勾起好多香港人唔好嘅回憶，俾人感覺係蠶蟲師爺。後董建華時代施政一塌胡塗，佢作為中央顧問應該負上全部責任。好多官員都落咗台，佢重好似無動於衷，重好似好有型咁，佢係最唔負責任嘅學者。」
不過，另一名聽眾李女士則覺得劉兆佳「講得都幾啱聽，市民唔應該一下子要求咁高，曾蔭權只做咗七個月，而且好多事都係中央話事。」
內地制度缺阻嚇力
另外，西北法政學院教授韓利琳表示，內地現時對食物安全的監管，並無具體的回收及懲罰制度。較早時出現致癌染料蘇丹一號及豬鏈球菌事件後，地方政府只能使用行政措施處分，未能有效阻嚇。