噚日睇林行止寫文懇求「救救劉金寶」，話商界噤若寒蟬，「比起為程翔先生奔走的新聞界和老同學，金融及工商界人士的道德勇氣有多深，誰不心中有數」，閱畢令人難過。中銀香港剛剛公布優良業績，有今日成就，劉金寶真係絕無貢獻？
即如年報，中銀香港○二年中上市後發年報，三年都攞獎，都咪話唔威。最新嗰本（○四年、圖）以「銳意進取．力臻卓越」為主題，擊敗二十五個國家近一千九百對手，獲得有「年報奧斯卡」美譽嘅InternationalARCAwards，頒發「財務資料：本地銀行組別」銀獎（金獎同埋銅獎出缺，即係第一），及「文字表述：本地銀行組別」銅獎，可以話係新領導層功勞。
但舊年，中銀香港攞「財務資料：銀行及金融服務組別」銅獎，前年更加攞咗本地銀行組別「整體表現」金獎，唔通係靠晒劉出事後個「天行健」整頓計劃？
傳真︰2623-9278
電郵︰[email protected]