太極今年踏入第二十一個年頭，他們昨日為將於下月假紅館舉行二十周年演唱會舉行記招，他們表示今次的演唱會就如一個敍舊派對，呼籲所有歌迷切勿坐定聽歌，最好更是一邊喝酒一邊聞歌起舞，務求大家以高漲的情緒欣賞演唱會。
太極昨日在銅鑼灣舉行演唱會記招，宣布於下月二十四日假紅館舉行一場名為「太極好有共鳴廿載情演唱會」，不過昨日太極七子只得六子出現，雷有曜因身在加拿大未能出席。
向樂隊致敬
久違了的太極六子昨日在開啤酒慶祝時，更不失調皮本色，不停互射啤酒，難掩興奮心情。太極表示希望今次演唱會能做到如派對般，並呼籲所有入場的歌迷盡情起身唱歌跳舞，他們說：「其實喺外國睇騷都好興飲酒，有少少high睇騷重開心，所以我哋絕對唔介意啲歌迷飲住酒睇我哋個騷。」
但說到紅館場內不可帶啤酒進場，太極謂：「如果啲樂迷唔帶玻璃樽咪得囉，或者我哋安排睇吓可唔可以用紙杯嚟飲啤酒囉。」
今次太極在演唱會上除了大唱首本名曲外，亦會演唱別人的歌，太極解釋：「我哋想將八十年代香港樂隊好流行嘅歌造成一首串燒歌，呢首歌亦都會收錄喺我哋最新精選大碟入邊，向八十年代樂隊致敬。」
劉以達幫拖
太極亦表示邀請了黃家強、葉世榮及劉以達擔任嘉賓，說到演唱會只得一場也邀請如此多嘉賓，不怕被喧賓奪主嗎？他們笑言：「喺呢行咁多年，冇乜嘢多，朋友就最多，冇所謂啦。」
採訪、攝影：胡比
