荃灣區呢排零舍多物業，透過委託物業代理行，以招標方式出售，高力國際宣布，佢哋啱啱獲得銀主委託，招標出售荃灣青山道東南工業大廈一批廠房連埋車位，截標日期係十月二十一號。 高力國際香港投資部董事李均怡話，呢批招標出售嘅物業，分布喺東南工業大廈地下至六樓，當中包括廠房及儲物房、車位及天台單位，總面積約十四萬八千零七十三呎，部份車位同廠房，可以交吉出售。