灣仔區有唔少舊樓，四正啲嘅，都只不過係兩千零三千蚊一呎已經有交易，既然銀碼咁細，有時啲買家都唔使點諗，就可以做入市決定。 美聯王鑫灝話，灣仔駱克道京城大廈低層C室，面積五百二十八呎，景觀望樓，有個投資者睇樓兩粒鐘，即刻扑槌入市，成交價一百四十八萬，每呎三千有找，只係二千八。呢單交易重係呢個樓盤今個月嘅第一宗買賣。 京城大廈七七年入伙，喺區內屬於年輕一族，共有一百一十九個單位，高層單位甚少拎出嚟賣。