要打擊罪案，幾時都好依靠市民通風報信。三位喺美孚新邨打工嘅物業保安員，喺今年五至七月，當值巡查期間，靠一對精明眼，察覺到有黑工用假嘅香港身份證企圖走入大廈某個單位內做裝修，三位醒目保安員即刻報警，令到警方成功拉到黑工同埋聘請黑工嘅僱主。
三位保安員噚日就獲發獎狀，唔係好市民獎，而係由經濟發展及勞工局常任秘書長張建宗頒畀佢哋嘅獎座，嘉許佢哋夠專業、觀察入微，成功協助政府打擊黑工。請到咁精明保安員嘅僱主匯秀企業有限公司，當然與有榮焉，唔知會唔會又獎勵吓班員工呢？
傳真︰2623-9278
電郵︰[email protected]