吳卓羲和官恩娜這對緋聞情侶，前晚在《勁歌金曲》中合唱三首歌曲，演繹情歌時份外投入，二人異口同聲表示回想起當日合作拍攝劇集《酒店風雲》的情況，看來他們對當時拍劇傳緋聞仍回味無窮。
吳卓羲（阿Ron）、官恩娜（Ella）、趙學而和鄭希怡等前晚在無綫將軍澳電視廣播城演出《勁歌金曲》，緋聞情侶吳卓羲和官恩娜合唱情歌，表現得非常投入。
口供一致
事後問Ella與阿Ron唱情歌時，是否份外感情豐富？她說：「我都諗番之前一齊拍劇集《酒店風雲》啲嘢，唔關緋聞事，我哋第一次合唱，自己都重係新人，冇資格教佢（吳卓羲）唱歌，佢都唱得好好。」Ella表示自從《酒》劇出街後，會被途人呼叫劇中的名字，小朋友還追問她是否擅長劏魚，令她啼笑皆非。
對於被指與Ella合唱時很合拍，阿Ron的口供與Ella一致，他說：「我都係諗番拍劇嘅嘢，我第一次同女仔合唱，都冇尷尬。」阿Ron又自爆近日家中發生小火警，他說：「有一日菲傭放假，我咪自己郁手煲豬骨畀屋企啲貓狗食，點知瞓着咗，到醒時就成屋都係煙，好似仙境一樣，好彩最後冇事。」
盼取佳績
此外，趙學而近日應填詞人黃偉文（Wyman）邀請，翻唱當年寫給陳慧琳的歌曲《最佳位置》，學而說：「我都希望翻唱歌曲可以令自己同Wyman嘅事業更上一層樓。」
採訪：王崇穎
攝影：葉君海
