達明一派與謝霆鋒前晚於會展舉行音樂會，達明以歌會友，霆鋒即出奇制勝，大玩搶鏡四招，搬大龜上台之餘，又以卡通Look示人扮可愛，最後更插水式飛身跳落台玩失蹤！
達明一派與霆鋒前晚於會展舉行「新城唱好謝霆鋒×達明一派同場異夢音樂會」，三人除大唱其他女歌手名曲外，又演繹對方歌曲。達明一派演唱時觀眾反應熱烈，當霆鋒唱《每日一禁果》時即忍不住說：「點解我反應冇咁好嘅？」
擺「愛女」上台
之後，工作人員搬出霆鋒的八十磅大龜上台，霆鋒還壓低聲線對大龜說：「嚟爸爸度呀，爸爸畀嘢你食！」說罷便餵牠吃豆。之後他又枕在龜殼上唱歌，但「女兒」卻慢慢走開，還走到台邊的Plasma電視底下，想要「頂」開電視，霆鋒大叫：「嘩！我賠唔起㗎！」數名工作人員即將大龜搬走。
霆鋒跟着獻唱AirSupply的《Makingloveoutofnothingatall》，之前還故作凝重地謂：「呢首歌送畀你聽。」邊唱邊眼濕濕，唱完又說：「一感動就唱唔到！」
插水嚇親明哥
當與達明一派合唱時，霆鋒突然情緒激昂，脫去背心拋落台，又用水淋濕自己及觀眾，不停狂fing頭。之後他又換了一件比卡超衫裝出場，還用國語向一班內地歌迷說：「你們會接住我嗎？」隨即飛身插水式跳落歌迷堆中，久久未見他站起來，嚇得明哥驚慌地望向台下說：「你有冇事呀？」現場即開燈，數名唱片公司人員及保安火速衝到台邊查看，這時霆鋒才自行爬上台。
事後明哥說：「唔見咗霆鋒時真係嚇到我，我以為地陷呀！」霆鋒則謂：「呢啲叫做stagedive，我喺澳洲做過一次，跳完落台，啲保安發現我唔見咗二十分鐘，其實我係俾啲觀眾傳咗去後面。」
採訪：李珮洳 攝影：何國豪
