業主心雄反價封盤

業主心雄反價封盤

兩塊西九龍地皮由發展商勾出,成個樓市再現曙光。唔單止兩幅地附近大角嘴帝柏海灣同柏景灣多咗成交,連奧運站隔籬九龍站都受惠。
利嘉閣簡瀚沂話,九龍站上蓋漾日居,七座中層D室,近千五呎,喺勾地後有換樓客用九百七十五萬買入,每呎六千六百四十二。
聽講,漾日居有一成放盤業主趁勢反價,幅度百分之五至八,亦有一成打算封盤。西九兩幅地皮下個月至拍賣,業主已經急唔切,又反價又封盤,可想而知,佢哋對後市嘅信心幾強。