交通銀行噚日首次派中期成績表，估唔到八方喺會上見到一位老朋友，佢就係渣打銀行中港及東亞洲區前總經理華禮信（IanWilson）。講落相信大家都有印象，呢位前任渣打香港大班，九八年一月退休返英定居後，亦不忘中港，去年獲邀加入交行董事局，成為五位獨立非執董之一。華禮信退休後，由戴維思接任渣打中港及東北亞區集團執董。
Wilson同八方講，當年喺香港舉行嘅送別會上，記得八方曾遞上一張有佢大名嘅渣打銀紙，索取簽名留念，說罷又喺銀包拎出一張有佢簽名嘅渣打鈔票。雖然已移居英國，華禮信仍惦念大中華市場發展，佢又同八方講，朝早曾致電金管局總裁任志剛傾偈，不過講乜就無可奉告矣。
傳真︰2623-9278
電郵︰[email protected]