蘋果日報慈善基金早前撥款二萬元，資助旺角街坊會陳慶社會服務中心推行「夏日豆芽夢-支援貧困學童計劃」，讓孩童挑選兩項有興趣的暑期活動報名參加，費用全免，二百位受惠學童分別參加了郊外暢遊、燒烤活動及生活宿營等，各人大開眼界。
透過該計劃資助，聰仔、鵬仔及阿婷參加了中心舉行的野外生活營，到大帽山郊野公園旅遊，並與二十多位小朋友一嘗野外煮食的樂趣，沿途義工向他們講解各種動植物，各人吸收課外知識之餘，更結交不少新朋友。
在社工安排下，日前三人在社區中心向記者暢談活動的感受及見聞。十二歲升讀小五的聰仔笑說：「我見有個小朋友煎腸仔嘅時候，個鑊突然着火，有個哥哥即刻走過去幫佢，之後哥哥又走埋嚟教我點樣煎嘢食，我體會到朋友間係要互相幫助。」
其身旁十歲升讀小三的鵬仔，談及當日的旅程，難掩興奮心情，「第一次喺戶外煎腸仔、漢堡扒，好開心，從來未試過同咁多人一齊玩，真係好熱鬧；嗰日義工介紹咗好多植物畀我哋認識，我重見到一隻好大、好特別嘅蜘蛛㖭。」
鮮有外出遊玩
鵬仔及父親原居於內地，早前父子獲批來港，與母親及四歲胞弟團聚，一家生活開支現靠從事散工的父親負擔，月入僅足餬口。為了節省開支，平日父母鮮有帶他出外遊玩。早前，鵬仔經社工轉介下參加「夏日豆芽夢計劃」，報名參加兩項郊遊的暑期活動。
鵬仔的母親張太坦言：「佢知道有機會報名參加暑期活動，不知幾開心，見到個仔開心，做阿媽嘅當然都開心，好多謝《蘋果日報》幫忙。」
另一位來自低收入家庭的阿婷，雀躍地分享暑期活動的得着：「我除咗參加大帽山嘅活動之外，重有參加中心搞嘅戶外燒烤樂，學識點樣用燒烤叉拮雞翼，而朋友間亦學曉互相幫助、分工合作。」
喜接觸新事物
將升讀中一的阿婷表示：「咁多年暑假都留喺屋企，今年有機會接觸好多新嘢、識到新朋友，好開心，多謝社會人士畀機會我參加暑期活動，新學年我會畀心機讀書，希望考試攞到第一。」
「夏日豆芽夢-支援貧困學童計劃」負責社工施先生表示，計劃於今年五月至九月推行，二百位來自旺角及大角嘴區清貧學童可獲資助免費參加兩項暑期活動，其中郊外暢遊，包括燒烤及生活宿營等最受歡迎，另在是次計劃中，孩童需同時接受義工培訓，並參與社區義務工作，回饋社會。
暖流熱線
電話：29908688
傳真：23702192
電郵：[email protected]
