百利大山頂道八號豪宅項目，去年底開始賣吓又停吓，唔經唔覺已經一年，聽聞，個盤最近終於攞到滿意紙，可以入住。 註冊處近排一連錄得三個山頂道八號嘅轉讓登記，不過，買賣雙方均無紀錄。 其中A二座嘅七樓B，據聞，買家係玩具城鄭氏家族，不過，地產代理當時所公布嘅售價，同𠵱家註冊處所見嘅登記，有好大出入。以上述單位為例，地產代理當時公布，以五千六百六十五萬售出，結果只係四千八百二十二萬，兩者相差成八百幾萬。