八方上日講過，工商及科技局局長鬍鬚仔曾俊華偷得浮生半日閒，趁最近有小小空檔，放番一個短假期，以充足電迎接年底喺本港舉行嘅世貿部長級會議。
八方問局長去邊度玩，佢話會先返大陸，去上海同杭州，然後再去泰國。原來曾局長雖然成日有機會飛嚟飛去，但係都係去開會，即係成日喺酒店同機場之間車來車去嗰種，冇機會真正遊覽風景，所以今次特別揀上海同杭州一行。
平時鬍鬚仔去聽演唱會，八方都見佢同太太以及乖女一齊，今次去玩就只得個女陪，因為太太要返工告唔到假，呢個真係香港特色，工作至上，至於個女，最近放暑假可以外遊，唔使局長一個人咁孤單。
曾局長個仔最近由美調回港工作，聽講曾太最開心，因為一家人又有機會團聚。
傳真︰2623-9278
電郵︰[email protected]