八方早前寫過馮華健有望接替梁愛詩出任律政司司長，跟住又有人傳佢北上「面試」，點知前日太子健就出嚟話自己無意做律政司司長，佢係去過北京，不過冇見過中央官員傾梁愛詩退休問題。
哈哈，咁講即係點？各位聰明嘅讀者，應該明白啦。八方有熟悉左方情勢朋友話，到目前為止，應該未有定案，所以梁愛詩是去是留，自己都冇一個時間表。有接近太子健者就話，同佢提起律政司個位，佢都冇乜抗拒吖。不過有心都要時勢配合至得嘅。
自四十五條關注組冒起，律政司壓力好大，少啲斤両都招架不來。忽發奇想，如果中央夠膽，邀請余若薇去做官，咁就一石數鳥，叫好叫座。問題係佢哋有冇咁勇，而阿姐又肯唔肯啫。
傳真︰2623-9278
電郵︰[email protected]