相傳每逢農曆七月十四盂蘭節，鬼門關便會開放一個月。徐子淇前晚出席一手機宣傳活動時，便透露在剛過去的盂蘭節「撞鬼」，房燈明明關了卻自動開着，嚇得她要找妹妹同睡壯膽，竟遭拒絕！
徐子淇、陳自瑤（YoYo）及鍾嘉欣等，前晚來到銅鑼灣世貿中心，出席限量版迪士尼手機宣傳活動。子淇自言是迪士尼擁躉，稍後會隨友人到香港的迪士尼玩，不過沒有預男友李家誠份，她說：「其實佢都唔係幾鍾意，啱女仔多啲，後生會鍾意去多幾次。」
本月十八日是盂蘭節，子淇表示當晚亦遇上怪事，她說：「我一返到屋企，盞房燈明明熄咗，竟然自己開番，嚇得我要求同妹妹一齊瞓，點知佢唔肯。爹哋媽咪話係電線鬆咗，但我當時覺得一定係有鬼，所以要全家人瞓覺都唔可以閂門！」
否認借男伴過橋
YoYo繼早前與女記者熱吻後，最近又被拍得與一男士街頭擁抱及同食一杯雪糕。YoYo解釋謂：「嗰個係我識咗好耐嘅朋友，佢喺外國返嚟，goodbyehug係好普通嘅禮儀。」她否認是借此撇甩之前的同性緋聞。
採訪、攝影：李珮洳
