去到超市，媽咪唔係次次都畀我哋買糖食，但係又要我哋陪佢一齊買廁紙呀買米呀，又要困喺架大鐵車上面唔郁得，真係悶死人呀！最近我聽其他小朋友講，有啲得意超市購物車好似架車咁樣，又有啲可以畀我哋自己控制，一於由我哋小朋友親身試車，揀番部心水靚車啦！
記者：黃潔蓮
攝影：楊錦文、黃潔蓮
超級巨無霸
惠康兩年前率先引入這架像私家車的購物車，目前只有在西環西寶城的超級廣場內供給顧客使用，皆因店舖面積超過五萬平方呎，通道夠寬敞，足夠讓這架身長超過1.2米、闊近半米的超級巨無霸通過。如果要坐這架車，最好先向職員預約，或在收銀處輪候，因為每逢周末這架車最少要輪候半小時以上，咪話唔誇張。這架車除了軚盤可轉動，還可以響按，小朋友坐在上面可以一邊玩，一邊等媽咪安心購物。
特派試車員嘉嘉話：鍾意坐喺車廂玩又得，想親近媽咪亦得。
媽咪話：架車好大架都幾難控制，好彩個購物籃都夠大可以裝好多嘢，而且BB有得駕車等佢有啲細藝冇咁悶。
出現地點：西環西寶城惠康超級廣場
數量：2架
適合：2至4歲
外形：＊＊＊＊
好玩度：＊＊＊＊
控制度：＊＊
Cutie砵砵車
本是國內超市才擁有這架cute到爆嘅購物車，兩個月前亦引入至將軍澳店，瞬即成為爭坐對象。就算平日，最少都要在收銀處輪候15分鐘，假日情況更嚴重，至少要等半小時。車身較輕巧易推，除了軚盤可扭、可響按、又有安全帶，而且車仔左邊有道門，有如置身真車一樣。雖然購物的籃較細小，但車頂上的鋼架也可以用來載物，亦可給媽咪放手袋。
出現地點：將軍澳吉之島
數量：5架
適合：2至4歲
外形：＊＊＊＊＊
好玩度：＊＊＊＊
控制度：＊＊＊＊
靜靜雞變學行車
雖然這架車外形普通，但勝在BB座位可摺起，而且較輕便易推。對於小朋友來說是另類學行車，因為BB座位離地不足兩呎，稍為腳長的小寶寶都可觸及地面，加上四輪設計，更加可以四圍碌。
特派試車員靖霖話：座位太低，只係望到媽咪肚腩位，都睇唔到風景。
媽咪話：車身輕好易推，但個籃太細。而且BB座位太低，要望實BB唔方便。膝頭又會頂住BB，如果BB腳長，就會當佢係學行車，兩步就走咗去，唔太安全。
出現地點：
各city'super超級市場
數量：大量
適合：4歲以下
外形：＊＊
好玩度：＊＊
控制度：＊＊＊＊＊
自己推最開心
Oliver's兩個月前才引入六部迷你版購物車供小朋友使用，車身高約70厘米，讓他們與父母購物時，可以自己推着車仔四圍去。車仔右邊有一支旗桿，上端有抵死標語，如："Ishopmumpay"、"I'maVIPshopper"等等，都是為這些未來的消費者度身訂做。而旗桿的中間有個手挽位，就係方便家長可以操控車仔，不怕小朋友四圍撞。
特派試車員琪琪＆瑜瑜話：有得自己推車仔好開心，不過最好都係有媽咪傍住會安全好多啦！
出現地點：中環太子大廈Oliver's
數量：6架
適合：4至8歲
外形：＊＊
好玩度：＊＊＊＊
控制度：＊＊＊＊＊
