在會展舉行的香港高級視聽展剛結束，如果你無去到實在走寶，$40入場費粗俗啲講句，主辦機構肯定嘔凸畀番你，一個靚靚環保袋加一本場刊已盡見大會的心思，但最超值者莫過於人人有份免費附送的這張SACD，雖然個Show完咗成個星期，但此碟仍在網上為人所津津樂道，只因這隻碟又好聽、又靚聲！
雖然隻碟唔使錢，但製作卻鬼咁認真，輯錄的15首作品，全是發燒友熟悉的靚錄音，由夏韶聲打頭陣唱《YouDon'tKnowMe》，到最後一首波叔梁醒波的《光棍姻緣》，一碟網盡爵士樂、古典、中樂、流行曲，甚至俄羅斯民謠，抵聽程度爆晒燈。
為做到Hi-Fi靚聲極致，每首錄音的母帶交到本地兩位知名製版師分途炮製SACD及CD層，這亦是本碟另一好玩處，一張也可以AB比拼一番。
好想要這張非賣品SACD？二手CD舖實搵到，除上網徵求之外，不妨聯絡主辦單位《音響技術》碰運氣吧！
文：李廸偉（[email protected]）