玩轉星期天：開party大玩層層叠

千辛萬苦終於買齊所有材料，一於唔好嘥，自己落手落腳整小食開Party，不用再勞煩媽咪啦！小食容易整又好食，最重要係高纖低卡路里，食得健康，讓我們教大家整小食啦！

姐弟同心火腿三文治

買完生菜、火腿、麥包及牛油，一於炮製火腿生菜三文治，麥包纖維高夠晒健康。

1﹒搽牛油：將牛油薄薄地搽在麥包上。

2﹒將火腿及生菜，放包上。

左叠右叠吞拿魚餅乾

吞拿魚餅乾的材料有水浸吞拿魚、粟米粒、梳打餅及芝士，將吞拿魚、粟米及芝士放在餅乾上即可。不過烹飪始終女仔最耍家，一於找大家姐出馬。

1﹒吞拿魚去水，弄散。

2﹒放上適量吞拿魚、粟米粒及芝士片。

偷食姐弟沙律番茄杯

最有衝勁的悅悠及開懷，自製沙律番茄杯，材料只有番茄、雜果、沙律醬、粟米片，不過手工較多，整完個樣較靚。

1﹒切番茄：將番茄切半，再用匙羹刮去番茄肉。

2﹒做裝飾：放沙律及粟米片放入番茄杯內。