近一年，阿佘連續拍了合共九十集的電視劇，包括播放中的《YummyYummy》、《隨時候命》及《火舞黃沙》，工作量確實驚人。
自覺十分幸福
問阿佘現在是否要在事業上衝刺？她則說：「𠵱家可能係事業上嘅黃金期啩？未到最後嗰日，都唔知邊日至係真正嘅黃金期嘅，但我經常都當自己處於黃金期，咁就最開心。有時做嘢梗係會攰，好攰咪瞓覺囉，好多人都好攰㗎啦，我都算係付出幾多、收番幾多，相比之下，有好多人付出好多但未必收得番咁多，我已經好幸福啦，重諗咁多做乜呀？」
阿佘又稱：「𠵱家做嘢搵多啲錢，想將來有穩定嘅生活，亦都有更加多嘅回憶，喺我一生裏面可以有多姿多采嘅生活。可能我係雙子座啦，係唔定得嗰啲人嚟嘅。」
拍劇不絕的阿佘揚言仍須努力，因她並非打風流工，每月支出也不少，她說：「我入咗行八年，𠵱家唔做嘢就梗係唔得啦，都儲唔到錢，做藝人使費好大，出幾多糧使幾多，買咗樓就更加使錢，我每個月淨係供兩層樓一架車，連埋雜費，已經要六萬幾蚊，未計食同着喎，我有錢就即刻贖咗層樓先啦，不過生活又唔係太擔心，都ＯＫ嘅。」
贊成良性競爭
不過對於新紮姐仔愈來愈多，阿佘就認為良性競爭誠為好事，她說：「都好嘅，有新面孔出現，有新鮮感，𠵱家都有好多年輕人睇電視，所以要有多啲偶像藝人睇吓。」
撰文：朱倬誼
攝影：陳慧安
服裝：SistyrMoon
場地：habitu
