薛凱琪（Fiona）前晚演出《森美小儀歌劇團》，除要做拗腰拱橋等高難度動作外，還要犧牲色相，讓森美的頭枕在其胸口上。不過醒目的Fiona卻用手抓實森美頭部，以防對方貼得太近！
鄭伊健、薛凱琪、應昌佑及森美小儀等，前晚在理工大學演出商台《森美小儀歌劇團：亞卡比槍擊事件》，方力申、鄭融及林珊珊等都有捧場。劇中，森美與Fiona飾演一對情侶，在其中一場戲裏，Fiona須拗腰做「拱橋」，並將頸部搭在森美的肩膊上，甚考腰力；二人跳舞時，森美又要將頭伏在Fiona胸口上，豔福無邊！
瞓心口嗌舒服
完騷後，森美及Fiona被記者要求再做一次頭伏心口的動作，兩人即時拒絕，森美更笑着投訴：「演出時佢捉住我個頭，但又冇捉住啲小演員個頭、個個都好隨意瞓落去，我覺得捉住個動作好冇美感囉！」問他有否被Fiona的胸口「頂到」？他尷尬地說：「我唔知點答呀，答有又好肉酸，話冇又唔知點。」在旁的Fiona即大聲說：「你咪再講我身材唔好呀！」森美連忙「補鑊」說：「一句講晒：舒服囉！」
問Fiona是否對森美懷有戒心？森美搶答道：「女仔有戒心好正常，特別係對住我呢啲男仔。不過我好想讚Fiona做得好好！」Fiona聞言甚開心，並謂第二晚演出時不會再抓實他的頭，還笑言：「聽晚由你啦！」
提到結尾時講到森美死去，Fiona失聲痛哭，她說：「我綵排時已經喊，啲音樂好易令人喊、好易入戲。」
捱到五勞七傷
綜觀整晚伊健戲份甚少，他表示：「唔緊要啦，都好好玩呀！當係暑假同一班後生仔玩吓啦，志在參與啫！」至於音樂總監黃貫中事後則稱：「個個都唱得好好，佢哋好多都排練到五勞七傷，最感動係每一個都咁投入，絕對唱到我嘅要求！」
採訪：李珮洳 攝影：仇志德
