一班小蘋果早前參加了小廚師美食班，親手炮製麵包和果撻。他們的製成品味道十足，外形卻奇形怪狀，有的像狗、有的像豬，認真包羅萬有，堪稱動物大集會！
記者：長法包
攝影：三文治
鳴謝：Delifrance
場地提供：荃灣愉景新城
事前講衞生
烹調最講求衞生，炮製麵包前當然要用濕紙巾抹手和帶上膠手套，而頭髮亦會弄污食物，一於戴埋廚師帽，合晒標準！
豬形粟米軟包好易做
聽麵包師傅Anson和輝哥哥講，麵包的外形可隨意創作，做動物、機械人也可。而今次大家便弄豬形粟米軟包，由於麵粉糰一早已由哥哥準備好，小蘋果只要發揮創意，加上粟米及提子乾等配料即可，簡單又好味！
5分鐘即成鮮雜果撻
整一個麵包當然唔夠，不如炮製多一個鮮雜果撻，材料有撻底、由吉士粉和水溝成的吉士打及鮮果，只要將鮮果放在撻底，最後掃上後會令鮮雜果撻閃令令的啫喱水，毋須焗製，只需5分鐘即成。
開餐時候YummyYummy
辛辛苦苦整了一小時，豬形麵包及果撻終於完成。到開餐時候，一於吃落肚裏，味道當然好好味！
