名模陳嘉容前晚在中環慶祝三十一歲生日，髮型師男友Ricky、樂基兒和LisaS.等車輪式錫面祝賀。陳嘉容與Ricky拍拖八年，希望三十五歲前結婚，Ricky表示已求婚成功，婚期定於兩年後，所以他要努力𢱑銀。
名模陳嘉容（Eunis）前晚在中環蘭桂坊舉行三十一歲生日派對，場內以她最愛的星星布置，又有巨型蛋糕，而一眾名模如李嘉慧、樂基兒和LisaS.等都有到賀，更不停輪流吻賀壽星女，錫到陳嘉容笑個不停。
Eunis穿上設計師J.Maskrey的新裝示人，她大談生日願望時說：「我只係希望身體健康、開開心心，食極唔肥啦！𠵱家簽咗新經理人公司，希望可以開拓到外國巿場。重有，我叫咗朋友唔好送禮，改為捐錢畀聯合國兒童基金。」
男友送白玫瑰
男友郭子輝（Ricky）送上兩打白玫瑰，問Eunis可希望結婚？她說：「我已經三十一歲，同佢拍咗八年拖，都希望三十五歲前結婚，睇佢表現啦！」Ricky承認已多次求婚，他說：「認真同唔認真嘅都求過幾次，有次我跪地、送花，佢終於都應承咗，不過就要兩年後，所以我開咗新Salon，要努力賺錢！」
蘭子負傷到賀
此外，陳自瑤和一拐一拐的陳淑蘭都有到場，蘭子透露上月打壁球拉傷腳筋，她說：「我𠵱家轉向商界，所以要做交際花，拐住都要去social，之前都負傷去Ball領舞，搞到腫多幾倍。」蘭子續說：「其實之前都有高人話我會有傷，提醒我『小心車禍』，我已經撞咗啦，佢話我會撞兩次車，係內傷嗰種，所以捐血都避唔到！」
採訪：RitaLeung
攝影：RickyChan
