飲食人誌：上船揀海鮮即揀即燒

這幾天烏雲密布，經過太子，終於給我找到「藍天」，這兒其實是海鮮料理店，雖然看不到蔚藍天空，但那水手裝侍應，外牆的水泡圍欄，在冰船上即揀海產，再配合想像力，即使外頭下着雨，仍可以乘船出海暢飲豪吃！
記者：李淑芬
攝影：黃子偉
模特兒：Yuki、Lesley(TheGroup）

從門外往裏面看，還以為餐廳只有數張桌子。但裏面原來分了兩層，間隔都幾九曲十三彎，餐廳卻將缺點變成優點，下層為情侶專區，一邊放高椅背卡座，另一邊是四方桌，夠晒私人空間感。而每排位均有一個小電視，可收睇四個免費電視台，方便出街食飯兼追劇；上層空間較大，擺放的桌椅也較多，但由於較密，所以客滿時自然也較嘈。這層另設兩間VIP房，可容納8至14人，約一大班朋友來大吃大喝最適合。

■船上自選海鮮、自選燒法，又幾有趣！

■地下卡位旁均有小電視，卡座椅背特高，情侶啱晒。

餐廳叫得海鮮市場，當然以海鮮為主。食物大部份為日式口味，有壽司、爐端燒、湯麵、鍋物等。最特別的，是客人可到二樓的冰船上自選海產，然後自行決定以爐端燒、鐵板、或其他方式來烹煮。海產種類約二十款，包括有虎蝦、鯖魚、帆立貝、三文魚頭等。餐廳同時供應西式鐵板燒，喜吃扒類的，也可在這兒品嘗羊鞍、西冷扒、和牛等。二人及四人餐選擇，價錢為$268至$538不等，想吃得便宜一點，可光顧午市及下午茶餐，價錢分別為四十多元及$28。由於店子的老闆另有經營髮型屋，在新張期內，特別推出優惠券，凡消費滿$600，便會送上一次價值$300的頭髮護理，客人可選Treatment、顏色、或Highlight服務，洗頭吹髮已全包，絕不另外收費，食日本菜送HairTreatment，食肆中屬少有，聽落都幾抵。

■二樓有兩間VIP房，各可容納8至10人，最低消費$1,000。

■裝清酒用的酒壺，有冷凍效果，價值二千多元，酒壺比酒還矜貴。

在冰船揀好了帆立貝，不妨以直接燒的方式吃；撈上白汁芝士蛋，放在爐上燒一會，芝士面冒起卜卜氣泡，帆立貝轉眼便熟，新鮮帆立貝肉質嫩滑，連熱騰芝士同吃，就滑上加滑。

北海道特產Hokke魚花魚，講賣相，它就真的不甚誘人，但日本人會以此鹹味魚送酒及送白飯吃，特別開胃。

粥底為日式五目雜炊，有甘笋、金菇、冬菇、洋葱、木魚同煮，粥底早有鮮味；加入了花蟹後，粥蓋一打開，已聞到陣陣蟹香，雖然吃時要剝殼有點論盡，但就非常滋味。

接近三十款爐端燒，可選汁或是鹽燒，單叫每串由$22起，一次過叫5串或10串，每串只是十來元，就抵得多。

澳洲入口中碼龍蝦，以鐵板燒，再淋上燒汁吃，肉質十分彈牙鮮味，由鐵板湧上來的香氣也夠誘惑。