免費報紙市場成為近日報業熱門話題，星島集團繼上月推出《頭條日報》後，好快會有另一份免費報喺地鐵派發，據講會喺九月十七日創刊，初期只會喺星期六出版，睇定啲反應之後先至決定出唔出埋星期日。由於另一份喺地鐵派嘅免費報《都市日報》只派星期一至五，所以唔會同星島呢份對撼。不過，星期六日地鐵人流冇平日咁多，星島呢份報紙可唔可以做到《都市》嘅成績，真係幾大挑戰。
免費報係唔係咁好賺八方就唔知，但係見到不同集團都話出免費刊物，個市場真係競爭好大，加上近年紙價貴咗，真係唔知邊個可以做到免費一哥。
傳真︰2623-9278
電郵︰[email protected]