現代社會愈嚟愈多女強人，而且愈嚟愈年輕，好似賣樓女將顏金施，有十七年物業發展及管理經驗，二○○○年由太古地產加盟盈大，專門負責薄扶林貝沙灣項目，加入未夠五年，啱啱由營業及市務總監，擢升為執行董事，年薪三百萬，成為盈大首位年輕女執董。
盈大最大房地產項目就係數碼港，住宅部份貝沙灣，係近年較矚目及有代表性豪宅。轉吓眼賣咗三期。除貝沙灣外，顏金施又負責審視盈科電話機樓重建。雲迪（顏金施洋名）過往策劃嘅市場推廣計劃，攞過唔少獎，例如連續兩年攞到傑出市場策劃獎、香港測量師學會頒發最佳物業市場推廣大獎。
電郵地址：[email protected]