唐英年畀阿爸叫佢返屋企幫手之後，一直冇乜露面，其實佢仍然忙於公事。忙乜？當然係準備明年預算案啦，聽聞佢正在同各部門傾「財政封套」，呢個制度，簡單講就係每年畀一筆錢你，點使你自己諗，唔夠亦唔好問阿公。過去幾年唔好景，個封套當然越嚟越「細」，削開支一定有人受損害，好多問題由是而起。
雖然封套係阿松所創，但唐唐並冇意更改，佢哋話係問責制一部份喎。不過今年經濟環境好咗，有望鬆手一啲，而且○七年又要選舉，煲呔固然唔想得罪人，唐唐亦深知派錢嘅威力嘅。
咁點解近來咁低調呢？佢身邊嘅人話，下個禮拜五，有個廣西嘅招商活動在港舉行，大家到時就會見到佢啦。
傳真︰2623-9278
電郵︰[email protected]