梁詠琪（GiGi）前晚在銅鑼灣紐約戲院，與約一百名影迷欣賞由她配音的電影《熱鬥小斑馬》。
原來GiGi夢想擁有一個農場，她說：「我好想喺農場裏面飼養自己鍾意嘅寵物，但香港就冇可能，要去外國先可償呢個心願，或者喺新西蘭。我想一早起身擦吓馬毛，不過𠵱家好忙，最快要六十歲先得。」GiGi男友鄭伊健卻很喜歡海洋，GiGi對此說：「可以揀一個近海嘅農莊啫！」
衝浪傷膊
對於近日有少年玩帆船溺斃，GiGi說：「我呼籲大家玩呢啲戶外活動要小心啲，我覺得自己大個咗，個膽就細咗。以前十八歲試過喺夏威夷膽粗粗玩滑浪，俾啲浪捲咗入海，重撞傷膊頭，事後先識驚。」
採訪、攝影：張俊銘