葉文輝（啤梨）日前在尖沙嘴開班授徒，教導三十位年輕fans跳舞，原來啤梨是演藝學院舞蹈系畢業生，在學時以跳hiphop、爵士舞為主。啤梨特別安排四個星期日，免費教fans跳舞，希望培養他們這方面的興趣。
新城DJ兼歌手葉文輝（啤梨）日前在尖沙嘴教三十位fans跳舞，畢業於演藝學院舞蹈系的他精通hiphop及爵士舞，他表示入行後一直唱抒情慢歌，所以外界並不知他懂跳舞。
啤梨日前接受訪問時說：「我早前喺新城《國語力》音樂會上唱我首國語快歌《愛情倒轉》，我又唱又跳，返入後台連梁詠琪都問我『啤梨，你秘密練兵一年呀？』所以好多人都唔知我識跳舞。」
拒絕做舞王
至於為何開班授徒，啤梨解釋說：「我係免費教佢哋，佢哋全部係我嘅fans，主要係因為放暑假，佢哋咁細個，未可以做暑期工，我又唔想佢哋周圍去，所以安排四個星期日早上教佢哋跳舞，又可以學嘢，又唔會浪費時間，跳得好嘅話，我會安排佢哋九月喺我嘅音樂會上同我一齊表演。」
那麼啤梨可會轉走舞王路線？他說：「呢行係好少跳舞嘅男藝人，我只希望每隻碟有一首跳舞嘅歌已經足夠。」
採訪、攝影：馮美茵
