方力申、陳國坤（小龍）及林家棟早前在何文田拍攝新片《得閒飲茶》，講述林家棟及小龍教方力申如何追求心目中的女神，並為他製造入球機會，可惜方力申射極唔入，只有望門興歎。
方力申、陳國坤及林家棟接拍陳子聰首部執導的電影《得閒飲茶》，《得》片由衛星電視電影台合作投資，稍後將於該台率先播出。早前四人在何文田一球場拍攝，劇情講述情場老手林家棟及小龍，透過球賽攻守要訣教導方力申如何將心目中的女神追到手。
小龍及家棟不斷製造機會讓前鋒方力申入球，奈何下着傾盆大雨，場地濕滑，令方力申經常「撻Q」，要多次重拍。方力申說：「讀書時淨係練水，好多有身體接觸嘅運動，教練都唔畀玩，驚我受傷。」對於方力申「撻Q」，小龍說：「踢波就係咁，運氣差起上嚟，個波喺門口都入唔到。」
華仔賀肥仔聰生日
此外，劉德華日前為有份投資的《得》片客串，當晚是肥仔聰生日，華仔準備雪糕蛋糕慶祝。一人分飾兩個搞笑角色的華仔說：「我會喺方力申面前不停唱歌同監管佢，教佢談戀愛，煩到佢爆炸。第一次同佢合作，諗唔到佢咁捱得，咁熱爬入泥洞搞到滿身污泥都冇半句埋怨，希望有更多機會同佢合作。」
採訪、攝影：何永寧
