去曼谷，怎會不去翟度翟，但Frankie卻說見過不少人去到WeekendMarket都空手而回，點解？「因為佢哋三心兩意，以為第二度會平啲，怎知價錢都差不多；以為可以大殺價，但泰國人最多畀5%Discount；有啲人想返轉頭買番，但又唔識路，到頭來就乜都買唔到！」所以，奉勸一句，去這般大的市場掃貨，切記五大要點：1）睇啱就買；2）勿走回頭路；3）降價最多講到九折就算；4）天氣悶熱，宜喝多點場內售賣的椰青；5）最好4點過後才去，無咁熱！
記者、攝影：梁佩芬
Frankie醒醒你：勿用腳指東西
除了不能觸摸泰國人的頭外，他們也視腳為污糟的東西，所以就算在地攤上見到心儀物品，也不能用腳指東西，會被視為不禮貌，可能會被惡言相向！