舞台劇《森美小儀歌劇團亞卡比槍擊事件》邀請了黃貫中（Paul）擔任音樂總監，公演當日會同場發售名為《愛情萬歲》的原聲碟，當中所有作品都是由阿Paul作曲，劇中演員薛凱琪和Kary都對阿Paul讚不絕口。
舞台劇《森美小儀歌劇團亞卡比槍擊事件》的原聲大碟收錄了薛凱琪、Kary、應昌佑、鄭伊健、森美及小儀演繹的歌曲，原來各人都對這張大碟的幕後創作人十分敬畏，此人正是擔任音樂總監的黃貫中。
薛凱琪大讚阿Paul處事十分認真，她說：「阿Paul首先將所有歌唱一次，錄低畀我哋聽，其實佢呢隻自己試唱嘅碟已經唱得好好，我覺得可以推出市面賣㗎！」
伊健打蛇隨棍上
Kary表示在錄音時儼如問題少女，因為她甫見到阿Paul便滔滔不絕發問有關搖滾音樂的問題，Kary說：「有一次我要錄一首好慢嘅情歌，阿Paul為咗令我培養好情緒去唱，竟然熄晒啲燈，之前我都未試過呢個方法，但原來好work㗎！」
伊健亦很欣賞阿Paul，更打算找阿Paul寫歌，伊健笑說：「呢個世界上有樣嘢叫打蛇隨棍上，今次錄歌識咗佢之後，梗係順便叫佢作歌畀我啦。」
心愛結他做替身
至於有份參與封面設計的森美則透露本想叫阿Paul一起影封面相，但阿Paul覺得自己今次的崗位是幕後人，所以拒絕了他的邀請，最後森美想出了一個兩全其美的方法，他說：「我哋知道阿Paul有一支全球獨一無二嘅結他，係一間美國結他廠設計畀佢嘅，所以我就諗到喺大合照旁邊放埋呢支結他，咁就代表阿Paul都有份。」
採訪：李珮洳 攝影：仇志德
