樓齡五年以下嘅居屋，五月開始可以喺自由市場買賣，之後冇乜聽到有受惠屋苑錄得成交，最近，將軍澳彩明苑終於開齋，有第一宗自由市場成交，屬於銀主盤。
世紀21曾志雄話，C座低層四室，六百五十九呎，銀主喺自由市場以一百三十一萬，賣畀同屋苑業主，呎價只係一千九百八十八蚊。同類單位相對第二市場都要百一萬，計落平近兩成。
曾志雄講，得三年樓齡嘅彩明苑，單位分五百幾同八百幾兩款，補地價折扣三成九，𠵱家冇自由市場放盤，全部係第二市場，叫價一百萬至一百八十萬。上月有八宗買賣，作價百二萬至近百四萬。
電郵地址：[email protected]