萬綺雯日前在廣州拍攝護膚品廣告，上午在高爾夫球場暴曬，下午則在搭成巴黎雪景的影樓拍攝，可謂冷熱交煎。萬綺雯出道多年仍能保持近乎完美的肌膚，令人又羨又妒，原來秘訣只是多吃生果和喝水。
萬綺雯日前在廣州拍攝雪完美保濕產品廣告，上午在高爾夫球場拍攝，在猛烈的陽光下暴曬，下午則在搭建成巴黎雪景的影樓拍攝，一冷一熱，相當辛苦。
萬綺雯日前接受電話訪問時說：「我同呢個品牌合作咗好多年，老闆好錫我，雖然辛苦，但拍攝美容產品一定會拍得好靚，所以點都值得。」廣告商早前特別安排形象設計師到香港，陪萬綺雯到連卡佛選購靚衫，拍完廣告後還把衣服送給她，連酬勞在內，可謂雙重收穫。
教授護膚心得
問萬綺雯拍攝這廣告的趣事，她說：「我覺得拍嗰場雪景好得意，因為廣告商用咗好多外籍臨記，於是影廠裏面夾雜咗國語、廣東話同英文，好有麗音效果。」至於平時的護膚心得，她說：「我覺得保濕對皮膚好緊要，尤其係喺夏天，大家成日留喺冷氣房度，皮膚嘅水份會不經不覺流失，所以要做多啲保濕工夫，重有就係多啲飲水同食多啲生果。」
採訪：比華利
