自從姚明成功喺NBA上位後，唔少中國嘅「籃球巨人」都希望到美國闖一番事業，好似身高七呎八吋、有「姚明二世」之稱嘅孫明明，喺六月就去咗洛杉磯受訓，希望可以獲得NBA球隊垂青，當時好多美國傳媒都有報道佢嘅消息，重稱佢為「NextYao」，點知……
教練籲善長慷慨解囊
事緣前日突然傳出孫明明患咗所謂嘅「巨人症」，驗出眼後生了腦垂體瘤，必須喺一個月內做手術，否則將有生命危險；但由於孫明明喺美國無醫療保險，而單係手術費就要七萬美金，加埋其他嘅治療費更加高達成十三萬美金，即過百萬港幣。由於病情緊急，孫明明嘅教練張衞平前日喺洛杉磯召開記者會，希望熱心人能夠為明明嘅手術費捐款。
據報二十三歲嘅孫明明家在黑龍江，為人聰明勤奮，由於響國內發展嘅機會有限，所以不惜遠渡美國磨練，盼下年可以躋身NBA嘅新人遴選之列。我求大俠衷心祝福孫明明能夠吉人天相，戰勝病魔，圓其NBA夢！