郭芯其答應過一班會考生歌迷，若果他們獲得好成績，便跟他們往溜冰。但其實郭芯其對溜冰一竅不通，故此日前到溜冰場練習，免得於fans面前出洋相，而在練習期間，芯其竟遇到靚仔教練，二人還拖手溜冰。
樂壇新人郭芯其早前答應一班fans，若他們在會考考得好成績，便跟他們一同溜冰，日前會考放榜，芯其即收到喜訊，大部份fans能在原校升讀中六。但原來郭芯其不懂溜冰，為避免在fans面前出醜，日前特地到又一城溜冰場惡補一番。
高速滑行嚇餐死
練習期間，一名靚仔教練見到雞手鴨腳的芯其，即主動上前教路，並主動拖着芯其。這位眼大大、五官標致的靚仔教練就是只有五歲的Jeffrey，雖然他只學了兩個月溜冰，但技術頗佳。Jeffrey見芯其步履不穩，便主動拖着她，並以高速拖着她滑行，嚇得芯其呱呱大叫。
Jeffrey及後又大讚芯其靚女，令她笑逐顏開，芯其說：「Jeffrey真係好叻仔呀，初時以為係我拖住佢行，點知佢一拖住我隻手就即刻好快咁向前溜，我都俾佢嚇一嚇呀。」
原來芯其早前看到張栢芝溜冰的報道後，便有衝動學溜冰，她說：「我睇到栢芝成副武裝去溜冰，啲姿勢又好美妙，嗰一刻我就好有衝動，好想學呢種運動。」
男同學乘機拖手
芯其又透露讀中學時曾有男同學約她溜冰，她說：「我冇諗到個男仔約我去溜冰，係想拖我隻手㗎，點知嗰日一行出冰面，佢已經第一時間衝埋嚟拖住我隻手，嗰刻我驚到成塊面紅晒。」
採訪：李珮洳
攝影：仇志德
髮型：Kel@HAIR
服裝提供：SPY
場地提供：又一城歡天雪地溜冰場
