新上任嘅政務司司長許仕仁唔知係咪近排忙住搞政改第五號報告，噚日出席烏溪沙青年新村少年警訊滅罪夏令營活動時，來匆匆，去也匆匆。
肥龍出名怕凍，大熱天都着住件長袖衫同冷背心，佢遲咗到場，一坐低就喺度抹汗。儀式完咗之後，同台下班青少年影咗幾張相就雞咁腳離去，連行家想問佢幾句政改方案都冇回應，真係永遠冇兩句。
警隊一哥李明逵個樣咁高大威猛，成為好多青少年人嘅偶像，更甚受呢班資深少年警訊隊友嘅歡迎，個個都要爭住同佢影相。李明逵好唔得閒全場飛，差唔多咁多區嘅代表都要同佢影番張合照，結果大家掛住影相連台上嘅精采表演都冇乜欣賞。
傳真︰2623-9278
電郵︰[email protected]