古巨基前晚與歌迷慶祝生日，請來張栢芝任嘉賓，栢芝在台上直言自己現在喜歡外國人，提到「老外」男友，栢芝大爆與對方的事已成過去。
古巨基昨日三十三歲生日，他前晚在九展與歌迷舉行《Vani友約古巨基HappyBDate》活動，一同慶祝，基仔近日與張栢芝合拍新戲《野蠻必殺技》成為好友，故栢芝前晚亦有到場道賀及合唱。栢芝穿着短裙站在高台上，俯身拿水喝時，不慎走光，露出橙色內褲，而基仔因耳機太重令長褲不停下滑，露出灰色內褲，要歌迷提醒，基仔隨即拉高褲頭，又謂：「甩褲㖭，失儀呀。」十分搞笑。
純如蒸餾水
栢芝大讚基仔為人純如蒸餾水，她說：「佢又純又真，好有魅力，寧可俾人傷害都唔傷害人，我今日有啲唔舒服，但佢係咁真嘅朋友，都要嚟支持，不過你哋唔使驚，我唔會追求佢，佢咁好人，留畀你哋啲fans。」
全場歌迷即歡呼，基仔笑說：「你講中我個心，但點解唔追我呀？」主持Vani謂：「因為你英文唔好呀。」栢芝說：「係呀，我鍾意鬼佬㗎。」之後基仔又回敬栢芝，大讚她對人好，拍戲時還幫他清洗化妝棉及鬚刨。
基仔切蛋糕時，栢芝送上一個寫着「youarethebest」及「HappyBirthday」字樣的獎座給基仔，栢芝說：「大家都知我得過最佳女主角，係影后啦，基仔唱歌係實力派，攞過最受歡迎男歌手，我想將我攞影后嘅運氣畀佢，希望佢攞埋影帝。」
分頭食消夜
栢芝事後接受訪問，表示自己先前在台上露出的是橙色泳褲，所以不打緊，提到她喜歡外國人，栢芝說：「講笑咋，都pasttense啦，我唔想攞其他人嘅嘢嚟講，畀番啲空間人啦。」
栢芝又自爆早上差點浸死，她解釋說：「我今朝六點去滑浪，我俾一個四呎高嘅浪捲入海底打觔斗，全身瘀晒，肚同胸骨都瘀晒，條頸都扭親。」基仔就表示生日願望是家人與事業都好，至於感情，他說：「冇諗過，栢芝唔揀我可能我老得滯，又唔夠靚仔，我唔係西人嘛。」
此外，基仔前晚與經理人黃柏高（Paco）和唱片公司同事齊到尖沙嘴樓上樓吃火鍋慶祝，但其緋聞女友助手Lorriane未見出現。
至於栢芝則駕着寶馬開篷跑車載女助手到沙田「真味店」吃潮州打冷消夜，其「老外」緋聞男友就未有同行，二人點了大眼雞及一鍋蠔仔粥兩份食，由栢芝埋單，合共八十元。
採訪：胡比 攝影：仇志德、娛樂突發組
